Disidí kua Feng Shui ta pa abo

E artikulo aki a keda públiká anteriormente riba facebook/FengShuiKòrsou dia 12 desèmber 2017
© Skibí pa Reyna Joe

Preguntanan ku mi ta hañando ta pone ku mi ke pa tur hende ku ke biba un bida notabel ku Feng Shui, kuminsá na disidí kua skol di Feng Shui ta esun ku e ke benefisiá di dje.
No ta rekomendabel pa brua nan pasobra lo bo no haña hamas loke bo meresé.
Pa evitá konfushon disidí kua Feng Shui lo ta bon pa abo.

RJoe i Lillian Too
Ta repartí e skolnan di Feng Shui den tres kategoria:
– Esun klásiko ku ami ta sigui ku ta loke Gran Maestro Lillian Too a hasi konosí i posibel pa mundu oksidental.
– Esun Black Sect ku ta sigui sierto filosofia budista i
– Esun moderno ku a keda modernisá den mundu oksidental i ku ta un derivashon moderno di e pensamentunan original tradishonal chines.

Mi ta rekonosé ku tur e tantu informashon tokante di Feng Shui riba internet por konfundibu si bo no tuma tempu pa wak kiko abo ke.

 

 

Hopi hende ta splika Feng Shui i komo ku hopi hende ke tende manera nan por komprondé ta fasilitánan pa tende algu ku no tur biaha ta kuadra ku e konosementu antiguo aki.

Loke mi ke men ta ku tin hopi tiradó di pará pues skohe abo. Pues si bo ta bai hasi uso di servisio di un konsehero di Feng Shui sa di kua skol e ta. I si abo ke sigui esei.

Pues puntra, ta bo sèn bo ta paga, bo tin derechi di tin e mihó informashon.
Partisipá na aktividatnan i usa sano wisio pa bo mes por tuma desishon.
Tene kuenta ku lo bo por faya i aki un profeshonal lo por yudabu.
E ta un konosementu antiguo ke men lesando 1 buki por dunabu un bista pero e no ta hasibu eksperto, no tuma bo mes hasi.

Loke ami por ofresé ta konosementu klásiko basá riba bukinan original skibí pa gran maestronan di siglonan pasa.
Tambe mi tin sosten i guia di Lillian Too i su tim pa kualke pregunta ku ami tin, hasiendo e trabou interesante aki.

Mi ta rekomendá tur hende interesá pa lesa buki/riba internet; hasi bo eskoho i disidí ken bo ke pa ta bo konsehero.
Ya ora bo disidí na paga un profeshonal bo por hasié pregunta direkto i miho ainda: bo sa ku bo ta invertí bo sèn bon.
Anto ta posibel pa un konsehero di Feng Shui dunabu konseho di distansia pa abo sa kon ta mihó manera pa posishoná bo mes i artefaktonan den bo kas.
Sinembargo no ta meskos si ku si e hende ku sa bon kon saka direkshon i balansá energia mes bini serka bo pa hasié huntu ku bo.

I Feng Shui ta pa esun ku ke logra bon salú, prosperidat i felisidat den su bida.
Ken lo no ke esei?

Si abo ke sa mas komuniká ku bo konsehero di Feng Shui na fengshuikorsou168@gmail.com.

Kos bon so pa abo.
©Feng Shui Kòrsou.

I riba e potrèt bo por wak e momentu ku mi a haña mi sertifikashon di praktikadó di Paht Chee serka Lillian Too na su kas na Kuala Lumpur, Malasia.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s