Nos tambe tin nos sabidoria i konosementu

E artikulo aki a keda públiká anteriormente riba facebook/FengShuiKòrsou dia 5 yanüari 2018
© Skibí pa Reyna Joe

Un di e aspektonan di Feng Shui ku a fasiná mi mes, ora mi a konosé, ta e similaridatnan ku tin ku loke mi mes a lanta kuné na Kòrsou. Hopi manera meskos di wak bida; di protehá bo mes; di kuida bo mes; di tene lugá limpi, di no kana ku paña kibrá pa no kai den miseria, di tin zjanguilie den bo kas; ta identikamente spliká den e filosofia di bida asiatiko Feng Shui. Tin mas hende ku mi a papia kuné ku ta korda kiko (espesialmente nan mama i wela) tabata hasi i bisa ku ta parti di kustumbernan; di konosementu; di sobrevivensia humano; di sabidoria di nos mes.

ethernalK
E diferensia grandi ta ku nos sabidoria i konosementunan no ta dokumentá ofisialmente. I ta parse ku no ta bon si bo sa; skondí skondí ta buska pa sa anto solamente ora ta den un pèrtá. No tin nada malu ku hende ke ta bon pa su mes; pa despues e por ta mihó posibel pa su famia; pa su komunidat; pa su pais.

 

Pakiko no akseptá ku tin tur informashon pa un estilo di bida notabel; ku ta yuda abo sin kansa pa logra òf mantené: bon nòmber, posishon di outoridat, amor, bon relashon, kreatividat, tin yu, ku ta pone ku bo por biaha, ku tin hende pa yudabu, ku ta lagabu haña i mantené un trabou, ku ta stimulá bo inteligensia, ku ta yudabu kuida bo salú i ku por yudabu yega na plaka?

Mester rekonosé ku tin vários hende ku a hasi e esfuerso pa publiká loke nan a mira, tende, sa di nos i mester apresiá esei i duna nan mérito.
Pero nos no tin un registro pa tur aspekto di bida manera dokumentá pa Masternan asiátiko di siglonan pasá ku a yuda mantené emperadornan chines den nan posishon di poder.
Pa rason históriko nos no tin tampoko ophetonan ku ta identifiká kon a wak bida i kiko tabata importante pa sobrevivensia manera tin disponibel den negoshinan di Feng Shui.

Pues nos mester akseptá ku tin un diferensia si tin informashon skibí òf ku ta via historia oral nos mester haña e informashon. Historia oral lamentablemente por tin muchu variante i pues tambe inkonsientemente mal informashon.

Interesante ta ku serka nos tambe te ainda tin hendenan ku ta práktika e arte di yuda hende, hasiendo diferente akto i ritual pa logra sierto meta.

Ami ta apoyá tur hende interesá den Feng Shui pa disidí i skohe kiko abo ke den bida.
Un bon karera? Usa Feng Shui klásiko su konosementu pa aktivá e energia ku ta habri kaminda i tene kaminda habrí pa bo karera i pa entrada stábil pa bo.

Bo ke un amor? Usa Feng Shui klásiko su konosementu pa aktivá e energia ku ta atraébu na esun ku bo ke i dunabu un bida yen di romanse i amor.

Bo ke sèn fásil? Usa Feng Shui klásiko su konosementu pa aktivá e energia pa sèn bini bo direkshon. I un konseho: aktivá energia pa sèn limpi pasobra energia por keda aktivá pa diferente manera.

Bo ke bo yunan siña bon na skol i ta obediente na bo? Usa Feng Shui klásiko su konosementu pa aktivá inteligensia di bo yunan i pa aktivá tambe nan komportashon ku segun abo ta korekto.

Bo ke biaha? Usa Feng Shui klásiko su konosementu pa aktivá e energia ku ta yudabu subi avion, barku, trein manera nada no ta pasando.

Bo ke kuida bo salú òf mehorá bo salú? Usa Feng Shui klásiko su konosementu pa stimulá energia salú pa abo i pa tur hende den bo kas.

I praktikando Feng Shui bo ta siña kon suavisá situashonnan doloroso, fastioso, no deseá den bo bida.
E ta eksigui poko dedikashon di bo mes pero asina bo mira resultado lo bo ke sigui hasié parti di bo bida.

Si bo ke sa kiko hasi pa logra un di bo metanan i pa abo tin e bida salú, ku abundansia i ku prosperidat, komuniká ku bo konsehero di Feng Shui na fengshuikorsou168@gmail.com

Kos bon so pa bo.

© Feng Shui Kòrsou 2018.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s