Move energia ku 27 kos

© Skibí pa Reyna Joe

Djabièrnè dia 16 di febrüari awor ta Aña Nobo Lunar konosí komo Aña Nobo Chines kaminda nos ta laga Aña di Gai di Kandela nos tras pa drenta Aña di Kachó di Tera.

Preparashonnan ta tumando lugá kaba rònt mundu pa e selebrashon grandi aki i nos di Feng Shui Kòrsou tambe ta den preparashon poniendo kuranan na nan lugá i preparando pa benefisiá di e energia bon ku Aña di Kachó ta bai trese.
I abo tambe ta invitá pa djòin Feng Shui Kòrsou den e Sena di Abundansia anual pa asina amplia e bon energia ku lo tei henter aña pa abo tambe.

Pasobra tur hende por hasi bon uso di e energia nobo ku e aña nobo ta trese e.o. moviendo 27 kos rondó di nan.No automatic alt text available.
Hasiendo esaki i sigur si bo ta sinti ku kosnan no ta kana bon den bo bida i si bo ke drecha ambiente rondó di bo i bo ke ta kla pa Aña di Kachó, bo ta move pues 27 kos.

Kuminsá na pone bo intenshon bon kla i komprondé pakiko bo ta hasiendo e aktividat aki; sa e rason spesífiko ku por ta sea pa drecha bo nòmber, bira famoso, pa haña/tene romanse den bo bida, pa haña un yu, bira mas kreativo, pa biaha, pa haña hende yudabu, pa haña un trabou stabil, pa bira mas sabí, pa bo salú, pa haña/tin un bon famia òf pa bo djis haña plaka.

Kaba wak rondó di bo paden i pafó di kas.
Skibi loke bo ta move pa bo sa sigur ku ta 27; no mas ni ménos.
I kambia lugá di 27 kos; por ta kos grandi por ta kos chikí.
(Kambia laken di kama tambe ta konta aden, meskos ku benta shushi afó i pone e baki un otro kaminda).
I fortifiká bo intenshon hasiendo un orashon segun loke abo ta kere aden.

I pakiko 27?
Den numerologia e sifra 9 ku ta sifra di infinito ta hopi poderoso.
I 27 ta tres biaha 9 (2+7=9).

Hasié i sigur sigur bo ta bai sinti e diferensia di a move energia i krea e loke ku abo meresé.

Bo tambe lo ke bin nos Sena di Abundansia dia 16 di febrüari awor?
Laga nos sa pa abo haña mas informashon na fengshuikorsou168@gmail.com.
Kos bon so pa abo.

© Feng Shui Kòrsou

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s