Kon kla bo ta pa Aña di Kachó di Tera?

© Skibí pa Reyna Joe

Djabièrnè awor ta aña nobo lunar konosí komo Aña Nobo Chines i nos di Feng Shui Kòrsou ta kla pa selebrá e energia bon ku nos por bai gosa di dje.
Di kon?
Pasobra nos sa ku tin asina tantu konosementu i sabidoria ku nos tambe por benefisiá di dje den universo i pakiko no hasi bon uso di dje.

I tur hende ku tin nan buki di signo a haña informashon di kiko mester hasi pa benefisiá di Aña di Kachó di Tera i nan sa dikon ta Aña di Kachó di Tera. Tambe nan sa kiko ta kuranan ku por pone pa asina saka mihó di e aña aki.

Kon abo tambe por ta kla prepará pa djabièrnè awor pa abo tin kos bon so den e aña benidero?

1. Kuminsá aña ku bo kas/espasio na òrdu, limpi, sin potoshi.

2. Bo tin problema pleitu kes kes ku un hende? Hasi bon promé ku aña nobo lunar.

3. No laga aña nobo topabu ku debe sin nodi pasobra esei por ta un peso den e aña benidero. I paga maske ta alguitu èkstra promé ku djabièrnè riba un debe grandi ku bo tin ku no por paga den un biaha.

4. Mei anochi djaweps pa djabièrnè awor sòru na momentu di kambio di dia bo habri bo bentana i portanan pa laga e airu ku e energia nobo pasa drenta i sali di bo kas. No hasi kos di bobo si, habri si bo sa ku bo seguridat no ta na peliger. Sino djis habri un bentana hanchu risibí e energia nobo.

5. Tin mucha rondó di bo ku bo ke bon? Regalá e/nan un ènvelòp bunita kòrá ku un suma (florin/dòler/euro) aden ku bo por dividí den 9; pa nan futuro ta sin problema finansiero. Tene e ènvelòp ku dos man na momentu ku bo ta duna e mucha e i wak e mucha den su wowo ku un sonrisa riba bo kara.

6. Kuminsá aña nobo ku sapatu nobo na bo pia pa bo kana limpi sin opstakulo henter aña. Bo por laga kambio di dia kuminsabu ku sapatu nobo na pia òf ora bo sali mainta djabièrnè ta ku sapatu nobo na bo pia.

7. Bisihitá hendenan ku bo stima, kome huntu kuminda ku ta representá abundansia, felisidat i bon kos. Mundu digital ta hasi fásil i posibel ku bo por komuniká mirando hende ku bo stima ku ta leu fe bo.

8. Ta e dia pa no usa nada skèrpi pa bo no korta bo suerte di aña. Ni kuchú ni skèr. Kòrta kuminda fe un dia promé pa bo no mester brua faya us’é.

9. No bari tampoko pa bo no bari bo suerte manda leu.

10. No papia malu ku niun hende, no grita niun muchu, nada di palabra malu i sòru pa ni kiko pasa, abo no rabia zundra, hasi mahos, stroba henter bo aña.

11. No lesa, wak ni skucha medionan ku ta duna notisia malu i negativo ku ta daña energia den bo lugá.

12. Hasi algu prèt ku bo sa ku ta trese alegria pa bo i pa esnan den bo kas.
13. Wak pa no ta abo ta esun ku ta daña dia pa niun hende.

14. I sòru pa bo pòtmòni koló kòrá òf koló di oro tin sèn aden (tiki òf hopi) pa bo situashon finansiero tambe ta kla pa e bon energia ku tei sigur sigur kuminsando djabièrnè awor.

Felis selebrashon di kuminsamentu di Aña di Kachó di Tera pa abo i pa esnan ku bo stima.

I bo ke sa mas kon Aña di Kachó di Tera por ta pa abo?
Buska bo buki di signo pa solamente f. 28,– òf komuniká ku bo konsehero di Feng Shui na fengshuikòrsou168@gmail.com.

福禄寿

© Feng Shui Kòrsou

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s