Muhé i romanse den Feng Shui

E artikulo aki a keda públiká anteriormente riba facebook/FengShuiKòrsou dia 8 mart 2018
© Skibi pa Reyna Joe

Riba Dia Internashonal di Hende Muhé ta bon si bo ke komo hende muhé, pa sa kon fortifiká bo posishon den kas i den bida.No automatic alt text available.

E direkshon Zuit Wèst ta direkshon di e hende muhé; e matriarka.
Ta e direkshon tambe di romanse i di matrimonio.

Pa bo sa unda tur direkshon ta den e espasio ku abo ta, sea na trabou òf na kas, bo mester buska pa sa esei, sea bo mes ta hasié ku un kòmpas òf bo ta laga bo konsehero di Feng Shui kalkulá esei.

Bo kas òf ofisina tin un bon ZW?
Òf bo ta biba den un kas ku no tin skina den ZW?

Un kas sin ZW por ta un kas sin un hende muhé kasá aden.
Komprondé ku e por ta nifiká ku e hende muhé den un pareha lo no keda òf lo no tin un hende muhé ei.
Por ta un hende muhé ku su trabou ta eksiguí ku e tin di biaha hopi òf por sosodé algu ku e lo no ta den e kas ei pa un temporada.

Tambe un kas sin ZW por nifiká ku e hende muhé lo no haña kasamentu òf un relashon romantiko.

Den kaso ku bo no por hasi otro:
– pone un lus briante aki ku mester forma e skina di e kas, pues e ZW ku no tei.
– Traha un areglo ku pòchinan di di mata di tèrakota òf fèrf pòchinan ku bo tin den koló di tèrakota i forma asina e skina ku falta simbolikamente ku nan.
– Por pone tambe un waya/hilu pafó den laira pa forma e skina di ZW i pega vários kristal pa krea e energia di un muraya.

I pone tambe e imágen di dos patu mandarin òf otro obheto na par: dos vas, dos kusinchi, dos dekorashon mes un ko, pa asina ei aktivá e energia di tin un pareha romantiko.

Kontrolá bon kiko tin bo direkshon di amor
No ta rekomendabel si bo ke amor pa biba den un kas ku tin den su ZW kushina, lugá pa warda kos, ni tualèt.

Den kaso ku bo kamber di drumi ta den bo ZW evitá kòrtamentu di orea dor di no tin spil ku ta dirigí direktamente riba kama di e pareha.
E spil ta reflehá i krea energia di ku tin mas hende huntu einan.
Meskos ta si bo tin un televishon òf kòmpiuter den e kamber.
Si no por otro, kubri nan ora boso ta den kamber huntu òf ora ta bai drumi, ku un tela .

Pa mantené e matrimonio bon i felis, bo por usa un pieda ametista i mar’é ku un sinta kòrá na pia di e kama riba kua e hòmber ta drumi na banda robes i e hende muhé na banda drechi.
E ametista ta trese suerte den e pareha i ta sòru pa e hòmber no bai kòrta orea.

I maske kuantu bo gusta arte, nunka pone arte òf otro imágen di hende muhé sunú den bo kamber; ni di bo mes.

Sa bo flor di amor
I si bo ke buska un pareha/un romanse stabil/un matrimonio ta bon pa bo aktivá e flor di amor:
• Si bo signo ta Kabai, Kachó òf Tiger: pone imágen di un Konènchi den parti O di bo kamber di drumi.
• Si bo signo ta Toro, Kolebra òf Gai pone imágen di un Kabai den parti S di bo kamber di drumi.
• Si bo signo ta Konènchi, Karné òf Porko pone imágen di un Djaka den parti N di bo kamber di drumi.
• I si bo signo ta Djaka, Dragon òf Makaku pone imágen di un Gai den parti W di bo kamber di drumi.
No hasi esaki si bo tin un pareha kaba.

Bo por mara imágen di bo signo na imágen di bo flor di amor na otro ku un sinta koló kòrá òf ros i pone nan den e direkshon indiká.

Sòru tambe pa e imágen di sea Konènchi, Djaka, Kabai òf Gai ta un imágen/estatua bunita, pa bo atraé un hende atraktivo i bon pa bo.
E kura aki ta konta pa tantu hende hòmber komo pa hende muhé.

Felis selebrashon di Dia di Hende Muhé i si bo ke sa mas komuniká ku bo konsehero di Feng Shui na fengshuikorsou168@gmail.com.

Kos bon so pa bo.

©Feng Shui Kòrsou.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s