Sa bo Paht Chee

Image may contain: text
© skibi pa Reyna Joe

Pa ami ta sumamente fasinante pa a siña i komprondé henter e konosementu di analisis di personalidat i di karakter di un ser humano hasiendo uso di e konosementu di Paht Chee.
Komo praktikadó di e konosementu aki mi a bira mas trankil ora mi mira kon diferensianan entre hende ta splikabel i ku no ta korekto pa eksigui, sigur ora hende ta mucha, pa tur ta meskos.
Ya; tur hende no a bini mundu ku mes un destino, tur hende no a bini mundu ku mes un suerte, tur hende no a bini mundu den mesun ambiente.

Den Feng Shui ta konsiderá ku hende tin tres suerte:
40% di suerte individual ta e suerte di shelu loke ke men ku esei ta e suerte di bendishon di ariba ku un hende tin.
30% ta suerte di tera loke ke men e suerte ku un hende por tin di su mes; unda el a nase, ki klase, kua pais, kua kultura ets.
E sobra 30% ta loke un hende mes por krea den e bida aki, ke men ta dependé di desishonnan ku bo tuma i kon bo mes ta usa oportunidatnan ku presentá.
Hasiendo uso e.o. di Feng Shui un hende por sa ki ta su suerte, e por benefisiá di su suerte i asta mehorá e suerte ku e tin.

Aki un análisis di Paht Chee lo dunabu informashon di kua ta e streanan ku un hende a nase kuné.
Algun di e streanan positivo ta:
• Strea di noblesa: hende ku maske nan ta di un famia pober lo biba manera rei
• Strea di gran sabidoria: hende sumamente sabí maske nan no tin ni un diploma
• Strea di romanse: hende ku suerte den amor
• Strea di mèntòrnan poderoso: hende ku semper tin hende pa yuda nan
• Strea di biahero: hende ku tin chèns pa biaha mas ku normal
• Strea di spiritualidat: hende ku desaroyo spiritual haltu hopi biaha fe na chikitu
• Strea di plaka: hende bon pará

Algun strea negativo ta
• Strea di guerero: hende ku konstantemente ta riba kabai
• Stera di entiero: hende ku mihó no bai niun entiero ni porta di santana si nan ke tin éksito den nan bida
• Strea di agresividat: hende ku por ta hopi agresivo
• Strea di pleitadó: hende ku gusta pusta boka, kuminsá problema
• Strea di kabesura: hende ku ta kere ku nan so sa tur kos mihó
• Strea tóksiko: hende ku energia fuerte pa daña kualke ambiente i situashon
• Strea di soledat: hende ku no por traha den tim
• Strea di desgrasia: hende ku tur kos ku por bai malu lo bai malu pa nan si nan no tuma akshon.

Tin mas ku 2000 strea bon i malu i siendo un konosémentu di miles di aña tin streanan ku di mes no ta válido mas awendia.

No mester wak un strea den karta di nasementu di un hende pará riba su so.
Mester hink’é den e totalidat di informashon ku un karta ta saka i e ora ei por wak si loke e strea spesifiko ta nifiká, ta dominá den bida di un hende òf ku tin otro strea ta pone ku e no ta importante den e bida.

Un ehèmpel: un hende ku strea di plaka lo por traha plaka fásil òf e ta nase den un ambiente kaminda sèn no ta problema, loke ke men hopi biaha ku e tin oportunidat fe ora e nase pa un bida sin problema di sèn.
Un hende ku e strea di desgrasia lo topa retonan den su bida i hopi biaha por ta fe ora e nase basá riba e kas/ambiente den kua el a nase; esaki no ke men ku despues e no por bira un hende importante. Si su bida lo tin mas reto ku otro hende.

Sabiendo bo Paht Chee bo ta haña oportunidat pa tuma akshon den bo bida.
Si bo tin e strea di entiero i bo tin sita pa bai un kòmbersashon pa haña un bon trabou, evitá di bai niun entiero pasobra garantisá loke bo ke bon den bo bida lo no sosodé.
Si bo tin e strea di biahero bo sa ku lo bo biaha mas ku otro hende loke e.o. por ke men ku bo ta haña un trabou ku bo mester move hopi, leu i serka.

Sigur mi sa awendia ku koinsidensia; di kon un hende su bida ta manera e ta, no ta eksistí. Bo bida ta den bo karta di nasementu.
Tur hende tin un mishon personal den mundu.
Tur hende tin nan mes suerte.
Tur hende tin akseso na sa mas.

I laga analisá bo Paht Chee no ta luho, sigur no den un komunidat kaminda tur hende tin reto i tur hende meresé e mihó bida.

I abo tambe ke sa mas di kua ta e streanan ku bo tin segun bo Paht Chee?
Komuniká ku bo konsehero di Feng Shui na fengshuikorsou168@gmail.com.

Kos bon so pa bo.

©Feng Shui Kòrsou

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s