Pa ken Feng Shui no ta

Skibí pa Reyna Joe

Ta interesante pa ami pa wak reakshonnan riba nos artikulonana na papiamentu tokante di e poderoso konosementu antiguo chines Feng Shui.
Hopi hende ta reakshoná, ta hasi pregunta i ta demostrá interes pa kua mi ta agradesidu.

Mas tantu hende sa di e konosementu aki, ku ta un filosofia di bida i no un religion, mas mihó nos komunidatnan lo ta.
I mas mihó e hende mes lo ta si e praktiká Feng Shui banda di su religion i loke e ta kere aden.

Anto si bo ta un hende ku ta floho anto Feng Shui no ta pa abo.
Si bo gusta pa otro hende hasi kos pa bo i bo mes ta sinta mira anto Feng Shui no ta pa abo.
Si bo ta kere ku kos bon ta pa abo so i no pa niun otro hende mas anto Feng Shui no ta pa abo.
Si bo ke hasié bo so den kas i niun otro hende den famia no sa kiko ta pasando anto Feng Shui no ta pa abo.
Si bo ta kere ku abo no meresé kos bon so anto Feng Shui no ta pa abo.
Si bo no ke traha i sea produktivo pa bo mes anto Feng Shui no ta pa abo.
Si bo tin rabia riba bo mes anto Feng Shui no ta pa abo.
Si bo ta sinti ku kos bon ta malu anto Feng Shui no ta pa abo.
Si bo ta preferá buska problema i no solushoná problema anto Feng Shui no ta pa abo.
Si ta otro hende por disidí pa bo si abo ta pèrmiti pa sa mas den bida pa por bai dilanti anto Feng Shui no ta pa abo.

Image may contain: one or more people, sky, outdoor and nature

Feng Shui ta pa hende ku sa ku nan meresé kos bon so i ku ta dispuesto pa krea e base pa nan i nan famia ta mihó (den futuro i kisas mesora), pa nan komunidat i pais ta mihó.
I Feng Shui a prueba di por yudabu trese kambio den e situashon ku bo tin i lagabu tin salú, prosperidat i abundansia den bo bida.

Ora papia di Feng Shui ta papia di balanse den bo bida.
Ku sin importá na unda bo ta den bida bo por praktiká, sin tin di duna niun hende splikashon, sin niun hende mester sa ku abo si ke kos bon so pa abo i pa esnan ku abo stima.
I si tur kos den bo bida ta perfekto kaba: ku Feng Shui bo por tené asina pa garantisá ku bo no ta pèrdè loke bo tin kaba.

Pakiko keda sufri, pena, lamentá i keda malu ora bo sa ku tin un alternativa simpel ku bo por purba kuné?

Un dushi dia yená ku kos bon so pa bo……

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s