Ki balor agreshon tin den bo bida

No automatic alt text available.
© Skibí pa Reyna Joe

Ku introdukshon di Feng Shui den bo bida, komo un manera bon pa abo biba, lo ta bon tambe pa bo wak rondó di bo pa en general disidí kiko bo ke den bo bida.

Si tòg bo ta kómodo i no mester di nada mas, esei ta hopi bon, e ora ei usa e konosementu di Feng Shui pa protehá abo i bo kosnan pa bo no pèrdè loke bo tin.

Komo parti di un komunidat kaminda medionan sosial ta dominando mas i mas, kombiná ku medionan di komunikashon eksistente, nos tur ta haña nos ku un bon dosis di agreshon presentá dia den dia fó.
Si bo ke realmente un mihó bida posibel ta rekomendabel pa wak e kantidat di agreshon ku bo ta pèrmití den bo bida, den bo kas.

Hende di naturalesa tin un reakshon riba aktonan di violensia i tur hende, sin eksepshon, den situashon di violensia, tin deseo pa sea kuri mashá purá bai òf pa para bringa.

Medionan sosial, televishon, radionan henter dia, ta plama sufisiente violensia na diferente nivel di agresividat, ku tur hende ku ta habrí pa esei reakshonando inkonsientemente (pasivamente).
E poko violensia ku bo wak, e agreshon ku bo lesa òf tende, ta lanta den bo e reakshon di sea kuri bai òf pa keda bringa.
Ta abo ta kere ku e no tin impakto riba bo: e tin!

I si den ménos ku un ora despues di a mira i tende agreshon i violensia, bo topa den bida real kualke situashon ku ta kòrdá bo supkonsiensia ku bo tin di kuri bai òf para bringa; bo por skohe pa bringa sin komprondé mes ta kiko ta pasando ku bo.
E hende ku bo no ta kere, sin niun motibu, por bira hisa bos òf bai te den ekstremo, sakando e agreshon ku e ta biba skuchando òf mirando e henter dia.

Feng Shui ta konsehá pa abo krea e ambiente bon rondó di bo.
Ku bon energia.
Esta si bo por kompronde kon agreshon i violensia ta afektá bo salú mental/emoshonal i te asta físiko.

Na lugá di pèrmití agreshon di kualke forma den bo bida, kambia e zonidu i imágennan violento agresivo pa musika òf silensio.
Lanta mainta trempan kuida bo mes, bo salú, bo famia, bo kas sin pèrmití bochincha, agreshon i violensia papiá, skibí òf visual den abo su lugá.
Si bo subi kaya ku e bochincha ei den bo kurpa bo no por tuma desishon korekto na momentu ku presentá un situashon di kuri bai òf di bringa.
Kòrda ku nos supkonsiensia ta hopi poderoso.

Si bo ta adikto kaba na e agreshon den medionan sosial òf di den medionan konvenshonal; yuda bo mes i kuminsá na redusié.
Skucha i wak ménos violensia komo parti di bo estilo di bida notabel.

I pone protekshonnan korekto pa asina protehá bo kas i esnan ku bo stima di agreshon i violensia.
Por hasié ku e rinoseros i elefante blou òf ku e plakanan di protekshon ku mantranan poderoso.

Bo ke sa mas di Feng Shui i protekshon di bo mes?

Komuniká ku bo konsehero di Feng Shui na fengshuikorsou168@gmail.com.

I kuida bo mes.

© Feng Shui Kòrsou

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s