Feng Shui bo destino

© skibí pa Reyna Joe

Komo hende ku tin bon amiga i amigu mi ta semper interesá pa sa mas di hendenan ku ta keha ku nan no tin amistatnan real.
Pa hende komo ser sosial por ta felis, un parti importante ta pa bo tin tambe amistatnan ku ta yena bo bida, ku ta kita bo soledat, ku ta sostené bo lokuranan, ku tei si bo ta malu i ku ken bo por djis sinta ketu sin bisa nada sintiendo bo sigur ku nan.
I sa ku amistat ta algu ku bo tin di kuida i manehá pasobra bida simplemente den tur parti di universe; ta duna i tuma.

I tin biaha bo tin di tuma soketada i desapunto pasobra ta bida.
Interesante di Feng Shui ta ku tur hende, hasiendo uso di analísisnan segun e konosementu antiguo aki, ku tur hende por tin mesun chèns riba un bon bida, maske ku tur hende no ta pareu, pasobra tur hende no tin mesun destino. Mi ta splikando esaki aworaki brevemente.

I ya; abo tambe konosé hende ku ke ta mionario i ku ta muri sin nunka a logra bira riku.
Otro hende no ta hasi nada i nan ta mionario ku 20 aña.
Tin hende ta bira riku ku aktividatnan legal, otro ku aktividat ilegal, sin nunka haña problema ku hustisia, pasobra nan destino ta di tin hopi sèn.
Si bo sa di Feng Shui bo sa ku pa bo tambe logra un bon bida, pa bo por ta felis i salú; ku bo no tin di wak otro hende pero bo tin di wak bo mes karta astrologiko.
Ei bo por sa ki ta bo destino, si abo lo ta riku, sabí, felis ku un famia, ku lo tin hende pa yudabu semper òf ku semper abo ta esun ku ta haña tur sorto di oportunidat.

Si den bo karta astrologiko, ku por wak fe ora un yu nase, tin ku bo lo ta riku; anto no tin awa pa laba.
Si bo no tin e suerte ei tin si konosementu di Feng Shui kombiná ku bo mes determinashon, pa hasi loke si por dunabu un bida komódo.
Feng Shui pues no ta pa hende floho.

Meskos ta ku si tin un bon famia ta bo destino, ku lo bo tin esei tambe. Ku yunan ku ta obedesé i ku ta hasibu orguyoso.
Te asta por wak den bo karta pa ki tempu den bo bida lo bo por haña un yu òf si bo te keda sin haña niun yu di bo mes.
Sabidoria tambe ta marká den bo karta astrologiko.
Si bo ta sabí i no tin e kondishonnan pa benefisiá di dje, tin tambe ki momentu lo bo benefisiá di dje.
Si bo suerte ta ku ta hende lo mester yudabu pasobra bo mes lo no por, anto e hende ei lo presentá na sierto momentu tambe.
I finalmente oportunidatnan den bida. Si esei ta den bo karta anto si bo ke òf no, bo ta haña nan kada biaha atrobe.
Sabiendo bo karta astrologiko, sabiendo ku bo bida ta den bo mes man, bo sa tambe ku bo no mester keda sufri den niun situashon.

I bo ke sa mas?
Komuniká ku bo konsehero di Feng Shui na fengshuikorsou168@gmail.com
I bishitá www.fengshuikorsou.com.

Kos bon so pa abo……
© Feng Shui Kòrsou.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s