Poder di rinoseros komo protekshon den Feng Shui

© Skibí pa Reyna Joe

E siman aki nos por a tende kon mundu mester lamentá morto di e último rinoseros blanku ku tabatin na mundu.
Algu di lamentá pasobra ta trata di un animal asina impreshonante.
Den e pelikula Black Panther por haña un imágen masha positivo i poderoso di rinoseros den nan ambiente natural. Hopi emoshonante.

Lo bo a ripará hopi biaha ku tin sierto kaminda tin imágen òf figura di rinoseros pone.
No solamente ku e animal poderoso aki ta impreshonante pero simbolikamente e ta para pa dominá tur forma di violensia, manera atrako i ladronisia.
I e ta e mihó kura den streanan volante pa ataká i dominá e strea 7 ku den Feng Shui ta un di e streanan malu ku kaminda ku e ta, e direkshon ku e ta, ku di ei por spera òf ei por spera hopi violensia, atrako i otro agreshon no deseá.

No automatic alt text available.
Den e aña aki di Kachó di Tera e strea volante 7 ta den direkshon O.
I den bida nos tur sin eksepshon, mester di protekshon.
Nos mester por biba trankil sin ku nos mester barikadá nos mes den nos kas sin por sali afó.

Ban wak kon rinoseros ta yuda abo tambe segun Feng Shui.
Rinoseros ta un mamal ku un aparensia di antiguidat ku tin hopi mion aña na mundu.
E ta konosí di por kuri ku kualke animal feros ku bin atak’é i ta masha fuerte i asina resistente kontra di kualke atake natural.
Lamentablemete hende haragan ta kasi kaba di mata tur rinoseros na mundu; mas despues lo mi skibi tokante di e filosofia di Feng Shui tokante di hende ku ta destruyendo mundu.

Su karakteristikanan ta rason ku e rinoseros ta e simbolo fuerte di protekshon kontra di atrako, aksidente, traishon i otro dañonan grave ku e strea volante 7 por hasi.
Den dokumentonan antiguo por topa rinoseros komo simbolo di poder maskulino i ku tabata usa su imágen tambe pa kuri ku spiritu.

Rinoseros i elefante
Pero nota ku bo no ta mira e rinoseros su so na momentu ku ta us’é komo kura kontra di strea volante 7.
Ta pone e par, ku un elefante slùrf ariba pasobra elefante slùrf ariba ta esun ku ta protehá. Esun slùrf abou ta pa stimulá inteligensia.

Elefante den hopi kultura ta konsiderá di ta un animal sagrado.
Elefante su imágen ta sinonimo ku sabidoria, poder, forsa, pas, bida largu, suerte i éksito.
E union di e rinoseros i e elefante ta algu sumo poderoso i ta un forsa ku niun hende na tinu lo hasi wega kuné.
Esaki ta loke pa maestronan di Feng Shui a hasi ku nan ta e mihó kura pa violensia den kualke forma.

Kon abo por benefisiá?
Rinoseros i elefante ta animalnan ku ta biba kaminda ku tin awa motibu pa kua ta pone nan pa kura kontra di violensia na blou.
Blou ta awa i elemento awa ta dominá e strea volante 7.

Pone imágennan di e elefante i e rinoseros huntu den Aña di Kachó, ta wak direkshon O kaminda ku e strea volante 7 ta na e momentu aki.
Bo por usa tambe yabero, steker, plachi.

Kisas bo porta prinsipal no ta den O?
No ta nada ami a pone rinoseros i elefante tur kaminda.
Sigurá bo O promé si.
I pone otro ta wak bo porta prinsipal. Òf den bo outo.
E mester wak semper pafó i no paden. Si e wak paden e ta protehá mundu di bo.

Bo por pone bo rinoseros i elefante tantu paden komo pafó.

Den bo ofisina e ta yuda pa kura violensia pero tambe ta kita kompetensia i enemigunan fe kaminda.

I bo ke sa mas tokante di rinoseros i elefante pa protehábu kontra di tur forma di violensia i agreshon?
Komuniká ku bo konsehero di Feng Shui na fengshuikorsou168@gmail.com
I bishitá www.fengshuikorsou.com.

Kos bon so pa abo……
© Feng Shui Kòrsou.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s